انا المقصود
...............
شاورتلى بأيديها روحت اليها
قالتلى مش انت المقصود
بصيت حواليا وكمان حواليها
لقتنى وحيديا أنا الموجود
مشيت أتلفت ورايا لحد يشوف
وأنا من جوايا بقيت مكسوف
ايه الحكايه دى كانت ظروف
مش هترجع تانى ولا تعود
انا المقصود
من يأسى بعاتب نفسى
واجيب اللوم عليها واقسى
أروح اقول اللى ف نفسى
ولا ابعد عنها وانسى
من لهفتى وشوقى ليها
سألتها وحلفتها كمان بعنيها
قالت خايفه يقولوا عليها
ويشمت فيها عزول وحسود
انا المقصود
ليه بتجرحى قلبى وتصدينى
وتبعدى مع انك تقصدينى
وحياة الشوق اللى فقلبى
ياكل حبايبى لقلبك ضمينى
خلى الفرح تانى يعود
واشوف أزهار جمالك ورود
وتهنى قلبى والاقيه مسعود
وتقولى ياحبيبى أنت المقصود
..........
بقلم..الشاعر
الأمير _محمود
ليست هناك تعليقات:
إرسال تعليق