قليل الأصل ( 316 )
.................
قليل الأصل بان أصلك
قطعت الود داب وصلك
وشكرا ليك
داويت كسرك
وفوقنا رجعنا من تاني
إنسى في يوم أجيك أعاتبك ومكسب ليا يوم خسرك وأدوس على جرحي وأعاني ..
وقفنا كتير سند ضهرك
وبعنا الغالي يرخص لك
لا صونت في ملحنا
وعيشنا مليت ضهري
بسهام غدرك ..
بتطعن فيا وتسلم وتضحك لما بتألم
لا دمع العين بعيد عنك
وغدر سنين هيتكلم
صبرنا كتير وقولنا سماح
بتهنا تشوف أذى جرحي
ولما أنزف تكون مرتاح
وبتسمم بذور أرضي
لا يوم صعبت
عليك نفسي
وليه تبكيني يوم فرحي
طفيت الضي يا رفيقي وتزرع شوكي
في طريقي
وبالأحضان تلاقيني
أخويا وعمري وصديقي
كتير عديت وصدقتك
ووش المكر من بختك
وقع منك ونجاني
وشكرا للمحن وظروف
عريت وش سجاني
وردت بصري من تاني
بقلم .. صبري رسلان
ليست هناك تعليقات:
إرسال تعليق