(قصيدة)
_______(كسر الخواطر)
_____&______
مش سهل جرح القلوب.
بتجرح قلبى ليه؟!
ياريتنى أعرف أتوب.
م العشق وم اللى فيه!!
ياابو قلب كان مسود.
فين كنت مدارى سواده؟!
دايما ف الحق تحود.
وتشجعه ف عناده!!
..مش سهل جرح القلوب..بتجرح قلبى ليه؟!
..ياريتنى أعرف أتوب..م العشق وم اللى فيه!!
كسر الخواطر إثم.
وذنب مالوش كبير!!
حياتك معايا رسم.
وكان حجتك بتغير!!
أتارى كانت النيه.
خنجر ف قلب عليل!!
قلبك طوعك عليا.
تقسى واشوف الويل؟!
...مش سهل جرح القلوب..بتجرح قلبى ليه؟!!
...ياريتنى أعرف أتوب..م العشق وم اللى فيه!!!
بعت العشرة اللى بنا.
وفيك الشيطان اتخبى!!
خلتها نار مش جنه.
ونسيت مين اللى ربا؟!
انا لييا رب كريم.
فوضت الأمر لييه!!
ف الخاين و اللئيم.
ورميت حمولى عليه!!
....مش سهل جرح القلوب..بتجرح قلبى ليه؟!!!
....ياريتنى أعرف أتوب..م العشق وم اللى فيه!!!!
بقلم شاعر العامية.
السيد حسن السيد.
19/3/2021
ليست هناك تعليقات:
إرسال تعليق