........ روحتي وارتاحتي ......
مين غير الأم مين يشيل الهم
لا بينفع خال ولا حتي عم
امي دي عندي بالحياه ديه
أغلي من روحي ونور عينيه
روحتي وارتاحتي واستريحتي
بس سيبتيني بنار بتكويني
يوم ما موتي عندي ماتت
الحياه بناسها اللي ليا
عمري ما انسي ذكري فاتت
كان وجودك خير عليا
لو هاقول تاني ... لسه واحشاني
كان فراقك صعب عندي
كان علي عيني بعادك
لو لقاكي كان بيدي
كنت أفضل علي اعتابك
والليالي طوال ... حزني فيها طال
لسه عيني شايفه صورتك
ضحكة نورها شمع قايد
جوه قلبي باقيه سيرتك
وحبي ليكي حب زايد
عشتي ما فرحتي ... وما استريحتي
الشاعر الغنائي / عرفات فرج الله بلبل
ليست هناك تعليقات:
إرسال تعليق