قلتي ايه؟
ب احبك
و انتي عارفة
انا بس
ب اعشق ردها
من بين شفايفك
همسة دافية
و نظرة صافية
ب اطير و المس كل نجمة
في السما
و ارجع و اقول لك:
قلتي ايه؟
و يرد نبضك
عن سؤالي
و الليالي
تبقى جنة
ما بين نعيمها
و حضن دافي
و لمسة ب تدوبني فيها
و ادوب
و انسى الكون دا كله
و الاقي عمري
جوا قلبك
دنيا تانية
و كون ب حاله
ما حد غيري
يبقى فيه
و اسأل
و ييجي الرد :
حلم العمر كله
و الحقيقة
ما بين ايديكي
ان كنت نايم
واللا صاحي
ح التقيه
و ارجع و اقول لك:
ب اعشقك
و تسأليني :
قلت ايه؟
يحيى اللبيدي.
ليست هناك تعليقات:
إرسال تعليق