خير يارب
-------------
اقوم م النوم
الاقي الحلم باكى
والفرح فيا
متلتم باحزانى
اقول يانى
اعاود النوم واتقلب
م الجنب ده للتانى
وبرضه الحام ان جانى
اشوف وشوش هربانه
خايفه من الماض
وخلق بتروح
وخلق بتاجى
وانا محتار
وبأتشعبط على حيطى
مادد ايدى
مشدود مش قادر
وقلب استلقانى
وشفت ع البعد صوره
خير يارب !!!
كلاب بتجري مسعوره
نفسي أهرب من ضلي
وصوت هناك بيقولى
ليلك فارد طوله ع الاخر
وضى الفجر بيتاخر
والقمر نام
ولا عدش بيصلي
اه ياحلمك اليابس
بلتمة خوف متلفح
وفيك لابس
عباية حزن وموطى
ونهارك عاجز
خايف مره ل يخطى
طريق المر والغربه
مادام هناك واقفلى
غراب البين بينعق
ح يبقي الحلم متشعلق
شاددنى يم الغرق
وملانى خوف وقلق
انا قاعد مستنى
الفجر برغم العتمه يلوح
الصبح ابو وش صبوح
الصمت ساعات
ابلغ م البوح
نفسي اصحى على ...
صوت امي ...
بيندهلى ..
قوم يابنى
بلاش تبنى
حلم اوهامك على غيرك
افتح للسما طيرك
وهات مهر عروستك
اللى لسه فى الكوشه
بتندهلك ....
ورافضه عريس غيرك
يطول ايدها
يكون سيدها
ويكون عيدها
يوم ماتتقدم
حمدي البوقي
ليست هناك تعليقات:
إرسال تعليق