(عشرين اتنين وعشرين )
..... ............................
بقلم الكاتب
محمد عباس
الاسماعيليه
............ .......
حلم طويل علي الفاضي
ولاجربت اكون قاضي
لكن حلمي اعيش راضي
وابوس ايدي وش وضهر
ولااجري في يوم وراشر
ولااعاشر اناس بتضر
الناس معدتشي بتقدر
ولاحاسه اللي متكدر
ولاشايفه دموع وشموع
لكن عايشه مرار وخضوع
مابين ثانيه وتنهيده
مابين غيبه مابين عيبه
واقع عايشينه بنعاني
مين المظلوم مين الجاني
ومش فارقه تقول تاني
مدام صابر تكون حاني
ومين راضي يعيش الضر
وشايل حمل يوم بيجر
وحافظ حلم ما بيسر
وفي العنوان زهيد منغر
وناسي هم زي زمان
تعيش وتموت بروح انسان
تعيش موجوع ورغم الجوع
ساعات تمشي ساعات متبوع
ساعات تبكي ساعات بتبوح
ساعات صابر بنور وسطوع
يارب الكون انا مخدوع
وحلمي اكون راضي وقنوع
واختم قصتي بشموع
وتوب ابيض مفهشي رجوع
ويوم ما الناس دي تدعيلي
ويوم ما ربي يراضيني
هقول ياربي اهديني
ومن قرانك ارويني
علمني يا رب واكفيني
اصلي واصوم ونجيني
بصلاة المصطفي الهادي
شفيعي حبيبي وبنادي
اقبلني عبدك البادي
بنور المصطفي الهادي.
ليست هناك تعليقات:
إرسال تعليق