عمرك عشت وجع اللحم
وهو بيطلع منه الضوفر
عمرك شوفت الدم
لما يخف بحبة ميه
وبكل سهولة
تيجي تقوليك
احساسي بيك
ببساطه جيم اوفر
اه من وجع النفس واه
من النفس الموجوعه
ساعة تفرح
وساعات وساعات مجروحه
واه لما النفس بتظلم
تألم
تدبح
اتقل احساس بمشاعر
لما تحس بنفسك
من جواك مرايه مشروخه
لما تحس بكل حروفك
غصب عنك حروف مدبوحه
جيم اوفر
قصة فستان
ولا بلوفر
هي دي لعبة
كوتشينه ديه
فيها البنت بتعاكس جوكر
اسمعي يلا نصيحتي ياحلوة
عمر الاحساس ماكان له نهايه
ولا اللحم يطلع من الضوفر
احمد عبدالحق
ليست هناك تعليقات:
إرسال تعليق