قصة حب ......... بالعامية
من صوت زخات المطر ما نامت عيوني
والريح عمترجف رجف برداني( ة)
والغيم غطى القمر والشمس خيفاني
ليل ومطر.برق ورعد بيلملم اشواق واماني
وستي عموقدة الحطب سهراني (ة)
عمتحكي حكايتها والكستنا دفياني( ة)
والأحفاد بيسمعو حكايات كانون التاني
حكاية من هاك الزمان ببحر الحب غرقاني
قالوا عنتر جن بعبلا
وعبلا بحبو جنت اكتر
وقتا كنت بحب الحلوة
وغار عليا وانطر واسهر
وعدتني وبالحب وعدتا
وصرنا بلهفة الموعد ننطر
ليلتها شو كانت عتمة
والدنيا كانت عمتمطر
تلاقينا وما بعرف كيف
لساني ولسانا تسكر
وصرت اتذكر يادلي
شو بدي اتذكر لتذكر
بتذكر اني ضميتا
وفتح ورد الحب وزهر
سكنتا بقلبي ورميت المفتاح
وقلتلا خليني معك مرتاح
وخلي قلبي عليك مسكر
جرجس لفلوف سورية
ليست هناك تعليقات:
إرسال تعليق