وطّيرتي السواقي كاسات.....
هِزي ف كيسكِ المّليان
كماليلةأمان العيد
وهُليلة عيال الحِته وسنيني
وضحكة ضّي فوانيسكِ
وعّزي القلب لو باقيّه علي السيره وفكره ف حِضن كراريسك م دومتي أسيره جوه الروح ومش لاقيّه
ف ضلام النوح خيوط للبوح
يرّسيني/وناوليني ملام عيني
ولو تفسيره أسوق بيها علي بكره/تمد الخطوه لو عيره
م أنا الغلبان ف أوجاعكِ
وف الذكري وطال سفري
علي صدر الجروح بيّا
مسافه بتجري بدراعكِ
علي الحيره بلا عنوان ولا جيره/وقاصد من حواديتكِ
تمن للبوح يعّديبهُ الأمان للروح/وراصد عشقي ف الألحان/وراه ف عنيكي رّد يبان/ف ودن اللحن أُغنيّه
تجاوبيني/وحاسبي/إوعي م تجاوبي ب وصف حنيني
من بّره الهوا القلقان
وخّبي إن كُنتي ممنوعه
من التفسير/عليكي بأغي
وأبّدل حالي ف الغيره
بآهةصبر موجوعه
وأرّتل زي م بتعطي
ملامح بكره ف رجوعكِ
شجون القلب تّرتيلهّ
تبان مخدوعه ف الأحزان
وتتبّدل/أبهّدل ضل أحزانك
بلا خلافات مع خضوعكِ
ولا خُرافات ولا إتجّنيت علي شموعكِ ولا شمسكِ
وهيّه بتحُضن التوابيت عشانك لو هناك كّبيت
فتافيت الحيا ف البيت
ودق الباب/وشّق الغيط علي همسكِ/ح يفتح قلبكِ العتمه المجاوره الخوف/أبات محدوف/سلاسل رعشة الضّمه/بلا ضّمه ولا أحضان
وزي زمان/م كُنتي بتصحي
م النجمه/تناولي ف قلبي كام كلمه/يحاول جّمبي يرسمها بلا إعراب
ويقُعد يبكي جمب الحيط
أقول كداب ومِتحّمل معاني عتاب/وبيكّمل بألف جواب
ولف العمر يتأّمل/يكّمل جرحكِ النّمام ويتحّمل مع الأيام/ومّد/م نام/وصّد رحاب م بتحِبي غياب الليل
وتاب من بعد..م عرفتي
تخّبي ف قلبي حرمانكِ
ورا المواويل/ترُدي الباب
ولأجل م يرسي تفاحكِ
علي حدود المسا الكداب
بتنسي الباب خطاب مفتوح
وعشمانه الجموح تناديه
وهو بينزف اللّهفه حيطان تداريه/ويحلف عُمره م يآمن
معاكي يروح/هاتيه/قابليه
قوليلهُ بضّي مصباحك
بأداري عليه/وفين ألاقي
ف خطوة حّي أفراحك
علامةحُب بتلاغي
صباحهُ وتعقد النِيهّ
كما كانت هناك هيّه
عشان القلب تتحّمل
وتجري وتدفع الديّه
وإمتي ألاغيه
وهل ف إديكي للموعود براح موعود ف طرح إديه
وهل ح ألاقيه علي إديّا
يمامة عشق مّرميّه
وهل لو بايتّه قُدامي
بنفس التوهه والأّنه هناك يرضيه/يعيد الصمت لجراحكِ ولا يخّبيه
وبعد..م وعد أفراحكِ عليّا يعود/وتمشي وعود حدود أمانيه/تعاتبيني علي التأخير
بأي ملامح أعشقهالهُ ح تقابليه
وترضي أمامهُ تتعايقي
وتلغي وعود وح تبادليه
تمن تنهيدهُ ويطبطب بصيص من روحكِ التايهه
علي إكتافهُ/وتتمنّيني أكون مفقود/ومادد قسوتي ع العود/يعض لساني أوصافهُ ولا أجرحكيش وأبات عاضض آهات/رافض/معايا تعيش
وأنا مّخضوض
تكوني أنيني بّره الشيش
لغنوة عشق م بتمشيش لعناويني/وف التفسير
أكون يّمك
م بألمحكيش بدون اللحن والمضمون
وأهد حنينك المركون علي ندمكِ شجن مجنون
وقامت قومتهُ لمرايتكِ
علي المفتون بضلايتك ولمّلمتي بواقي حروفهُ لكتابك
وطّيرتي السواقي كاسات
علي إعتابك ومبترويش
م أهيش صادقه
لاساقيه أحباب
ولا راده السراب ع الباب
ولا مرتاحه ف النومهّ
ولا ف القّعده مفهومه
ولاسارده ولا وارده ولا فارده
ولا المشاوير
بترسم ع الحيطان للطير
فساتين اللُقا لو فات
وقصقوصه تبان لحصان
حنان عشقان
خيوط الطرحه مهوسه
بعبير الجاي وشّمسيهّ
سماها الفرحه والغِيّه
عروسه بتكنس العتمات
وسابقه الفجر ف المسافات
مندّيه
و من إيد الضّيا الحاضن
صلاة العيد
وبّنوته.....!!!
شعر
صلاح محمود عفيفى
ليست هناك تعليقات:
إرسال تعليق