ياه على الجفون بقلم أشرف محمود عيسى

 ياه على الجفون.

 والوش الهادي الحنون..

من ماشفتك عايز اقول.

 أنا  بحبك مفتون. 

يااااااااااه على الجفون .

 في عيونها سر كبير..

تاهت فيه الأفكار. 

ووسطها غصن نحيل...

وشفايفها زي النار..

يااااااااه على الجفون..

ماشي وراها على طول .

ماشي ليل نهار.

خايف لحد يلاغيها ويسرح في الجفون. 

يااااااااااه على الجفون..

قربي ليها مشكلة مخلياني حيران.

خايف اصارحها بحبي ليها .

تقولي قلبي لغيرك طار..

ياااااااه على الجفون 

ياصاحبي مهما أقول.

معرفش أوصفلك عيون..

عيون تخلي كل الصعب.

علشان عنيها يهون..

ياااااااه على الجفون.

أشرف محمود عيسى