حنين الماضي (469)
..................
على فين وياك
هيأخدني هواك
والقلب إستكفى
معبيه
لا أنا حاسه لقاك
والمال نساك
متجوز دادة مربيه
لا بتسأل فيا الله يسامحك
مش لاقيه حنانك
ممنوعه لا أعاتب ولا أفضفض ولا أشكي جنابك
والبيت بقى فندق للنومه
ع الباب خدامك
بتمنى إن أرجع للحاره
وجمال أيامك
كان قربك دفا
والشوق ما أكتفى
من شهد غرامك متهني
وفى حضنك ليل حكايات مواويل
نسيتني الدنيا
ومين قدي ..
جاه الوقت لا حساك فى حياتي ولا فارقه عتابك
خليتني أعيش شارده وتايها أنا فين
فى حسابك ..
لملمت جروح وجفاك وشروخ على ذكرى الماضي معديه
وصحيح حنيت للماضي
يا ريت أرجع
بالعمر ولياليه
ولا هقبل تاني أكون صورة
برواز بلا روح
ما لهاش ديه ..
وخلاص مليت وشطبت
يا ريت وقفلت فى بابك بأيديه ..
بقلم .. صبري رسلان
ليست هناك تعليقات:
إرسال تعليق