رسالة الوالدين ❓
ـــــــــــــــــــــــــــــ
رسالة من الوالدين للأبناء العاقين
قالت الأم أنا حملتك في بطني جنين
تسع شهور في تعب وألم وأنين
وأنا شيلاك رغم الألم محافظة عليك
بدعي الله يصونك من كل شين
ولما وضعتك كان طلق المخاض مخيف
بين حياة وموت سبحان من خلص روحين
ونزلت بسلامة وبكيت وأنا فرحانة إنك بخير
الحمدلله الله عطاؤه خير رحمن رحيم
من صدري رضعتك قبل اللبن حب وحنين
كبرت وبقيت تحبي نورت القلوب والبيت
ووقفت تاتة تاتة ايدك في إيديا الإتنين
وقدرت تقف لوحدك من غير حاجة بني آدمين
كبرت سنه بعد سنة وكبر معاك عقوق والدين
نسيت ضعفك وحسبت انك كبرت من غير معين
مسكين والله يابني وظلمك دا ظلم مبين
داين تدان هيعملوا فيك أولادك يا مسكين
لو رعيت والديك كان أولادك لك بارين
وقال الأب للأولاد كلمتين صغيرين
لكنهم لخصوا كل الكلام والدواوين
قال عرق جبيني وسهري وشقاية طول السنين
مش عشان متعة ليا ولأمكم دا عشان تبقوا تملي بخير
ماتحتاجوا لخلق الله يذلكم ويحيروكم شمال ويمين
أغنتكم عن السؤال والحوجة وكسرة عين
وبعد مااحتجنا لعكاز نتعجز عليه تركتونا تايهين
طبعكم الأنانية وحب الذات بتقولوا مشغولين
أنا مش هقول غير رسالة لكم ولكل العاقين
اعملوا ما شئتم وداين تدان ليوم الدين
ـــــــــــــــــــــــــــــ
Ghazala Attia
غزالة عطيه
ليست هناك تعليقات:
إرسال تعليق