انا ماشي
انا رايح هناك
انا ماشي
وهناك انا هاسبقك
لكن لو راجل
ما تجيش
وإن جيت
خليك علي كلمتك
إنك ما ظلمتنيش
قدام رب العباد
في محكمة العدل
قضيتي هناك مستنية
وكله علي المكشوف
ما فيش حاجة متدارية
والورق هناك متستف
بأيادي ربانية
وكمان معايا شهود
علي ظلمك ليا
ولا ينفعك تعلب ولا ديب
ولا كل محامين
الدنيا ديه
ياظالم
فوق من غفلتك
ورد المظالم
دا سهل في الدنيا ديه
لكن هناك
رد المظالم صعب ياعنيا
ياظالم رد المظالم
قبل فوات الأوان
وانا ماشي
وهناك هاسبقك
لكن لو راجل
ابقي ماتجيش
بقلم
احمد محمود
من ديوان حبة رتوش
ليست هناك تعليقات:
إرسال تعليق