انا ابن البلد دي
انا المطحون بزياده
انا طينها
انا ترابها و عفارها
بلاش مرازيه بزياده
ياواخد قوتي
ياناوي علي موتي
ياقلوب مصديه
ايه يكفي ابن ادم
قولتله لقمه
ايه مراد ابن ادم
قولتله شقه
مش عايز الشقه
بس سيب لي اللقمه
ما تقسمش معايا الرغيف
وخليك حلو و خفيف
دا انا الغلبان انا التعبان
وانا المطحون بزياده
تديني باليمين لقمه
تاخدها بالشمال طقه
والله حرام بزياده
انا ابن البلد دي
انا الفقير
وانا المطحون بزياده
حسوا بينا بقي
وحطوا عل الرغيف
زواده
وبلاش مرازيه
ياقلوب قاسيه مصديه
بقلم
احمد محمود
من ديوان سكة العاشقين
ليست هناك تعليقات:
إرسال تعليق