انا المغتصبة
انا المغتصبة المقهورة
انا المسلوبة ياحقوقي
انا لاسقف لاحيطان
انا لاصوت ولا صورة
انافلسطين
فاكرة موقعة حطين
للاقصي دفعنا كتير
وهندفع مهما جارو
خليكي شاهدة ياسنين
مهبطين فطين
ورجليناوحلانين
جعبة زمانا مليانة
ودهبناراح هيفضل يبرق
لوردمه تراب المغتصبين
يااقصي انت لينا
ايوة ياتالت الحرمين
اوعي تبكي يافلسطين
دمعتك غالية علينا
انا الطفل اللي عاش محروم
انا الحلم اللي بات مفروم
نفسي اصحي كدة فيوم
اشوف عدوي انا مهموم
وبحبك القلوب طارحة
ياكحل فعيون البنات
هتكوني للعايقة مرايا
ولام الشهيد فرحة
نفسنا نهد الحيطان
ونبنيها بدم الابطال
ونمسح دمعة عينيكي
لونغربل الهم بغربال
بدمانا هنحني ايدكي
وشعرك لوشاب هراضيكي
ورب العرش كبدي فرش
ودمي سجاد اراضيكي
والله لهلبسك كردان
وفودانك تلت حلقان
واساور ويا الخلخال
بكرة ياغالية يبسو ايديكي
رجالة وشباب جدعان
ونحقق معاكي الحلم
ونزرع اراضيكي ونلم
ونغني للشهيد ونزغرت
وندر علينا ياقدس
هنشم ترابك ونلم
هنشم ترابك ونلم
كلماتي الشاعرةنفيسةعمارة
من ديوان بنت الاشراف
ليست هناك تعليقات:
إرسال تعليق