ياللي مت وانت فاكر ........ سيبت لولادك أمان
ورثهم في الدنيا غادر ..... لعبه ف إيدين الزمان
ليه مجاش دايما ف بالك
بعد موتك حال ولادك
إبن قايل ياللا نفسي
بنت قالت عاوزه ورثي
ورث خلي الدم ميه ......... كله جاي عاوز نصيبه
َابتدوا لبعض الأسيه ..... قالوا حق إزاي نسيبه
نسيوا إيه كان ف الوصيه
م الأخوه وم الحنيه
كله جايب الورقه ............. بيجمع نصيبه قد إيه
مفكروش حتي ف صدقه ..... تشيل تخف م اللي انت فيه
إتنسيت حتي ف دعاهم
نسيوا مين إللي رعاهم
ورثه ملعونه ف أساسها
الطمع فيها حارسها
ليه نكون بس من ناسها
الشاعرة الغنائيه / ياسمين أحمد
ليست هناك تعليقات:
إرسال تعليق