شو........حلوة كلمة إم
الدني.........حولها بتلم
حرفين.........هني زغار
بتنزين......فيها الأعمار
وعنك..هي بتحمل هم
شو........حلوة كلمة إم
شو.......حلوة لما تنادي
وين.....رحتوا يا ولادي
وحنانها....منوش عادي
لما.......بحضنها بتنضم
شو........حلوة كلمة إم
قلبها....بيولع متل النار
لما.........بتروح مشوار
وبتنطر...لترجع عالدار
لتبوسك..وبتشمك شم
شو........حلوة كلمة إم
ولما......حزنك بتشوف
بتفرك....ببعض لكفوف
وقلبها بيصيبو الخوف
ولحالها ما بتعود تهتم
شو........حلوة كلمة إم
بالدني.....غيرك ما إلااا
وبتحبك.....متل الصلا
وأوعى........يوم تزعلا
نهارك..........بيمرق سم
شو........حلوة كلمة إم
❤️إسحاق قشاقش❤️
ليست هناك تعليقات:
إرسال تعليق