كنا في الجيش
بنقول عليه جراية
وبعد ما طلعنا
لقيناه بقي قصة وحكاية
بقي بالزحمة والطوابير
وبعدين خلوة بالبطاقة
وكمان صغروه حبتين
قولنا ومالة مش حكاية
والعيش والملح
بلاش رغيف العيش
ومن هدومنا ما تطلعوناش
هوا دا بروتين الفقير
وما بقاش عندنا غيرة
لانة طري علي سنانا
واللحمة بقت غالية علينا
وبعدين بتوجع اسنانا
والعيال بقوا ما يعرفوهاش
عشان ما اكدبش عليك
بنجيب شوية عضم
وبنعمل بيهم شوربة
وشوية فتة بالخل والتوم
بردوا بالعيش
حتي العضم بنشترية
والله مش ببلاش
اكل الكلاب بنشترية
والله مش ببلاش
الرحمة شوية بقي
رخصوها
مش عاوزنها ببلاش
ومش هنقول لله يامحسنين
بس انتوا ما تحوجوناش
سيبولنا بقي الرغيف
واللحمة ما بنحبهاش
وربي يخلي المحسنين
في العيد ما بينسوناش
بس انتوا اوعوا تنسونا
والرحمة تجوز علينا
بس انتوا ما تحوجوناش
بقلم
احمد محمود
من ديوان بنا حروف
ليست هناك تعليقات:
إرسال تعليق