شجر التوت (713)
...............
هتاخدنا لفين
في الهوى وياك
راسينا على بر
وعينيك ليه بتهرب من عيني
ليه كفا الله الشر
ما يكونش يا واد مش عاجبينك
مجبر مضطر
وشايفنا يا دوب
قله في عينك
على أيه تحتار
فضها بسكات خد لك ساتر من كر وفر
قلبي لا هيسلم
بسهوله كده ناوي ع الشر
لا غصبنا عليك يوم تهوانا
ولا تسهر ليل ترجانا
شوق برد وحر
إنت اللي غدرت وبكيتنا
وقلبت في فرحتي يوم جيتنا
وعينيك فيها شر
أمال راح فين إنتي
حياتي من غيرك أموت
والليل وقلوبنا
المنحوته على شجر التوت
بالغش نهيت أول جوله
باقي لسه فيه شوط
عيبي إن أنا بضعف قدامه
وبصدقه موت
وإن شوفت بعيني ما أصدقشي
وبجيب له شهود
عايزاه ريداه لأ مش عايزاه
وأحن وأعود
الشهد معاه حباه علقم
وأشواكه ورود
إن جيتوا للحق ما بستغناش
ولحضنه هعود
بقلم .. صبري رسلان
ليست هناك تعليقات:
إرسال تعليق