ماتستغربش يوم إنك تحارب ناس
حاربت أكيد في يوم الدنيا علشانهم
ماتستغربش لمّا الود يوم ينداس
وفجأة تلاقي العيب خلاص خرج منهم
وفجأة الحب بقلِة أصل يتبدّل
ووش ملاك صبح لشيطان بيتحوّل
لو أعرف كل ده هيصير من الأول
ما كنت حاربت وإستغنيت أكيد عنهم
ماتستغربش يوم إنك تحارب ناس
حاربت أكيد في يوم الدنيا علشانهم
أنا مش مصدّق كل ده يحصل
وإن المحبة تنقلب لعداوة
ناس فجأة يعني تبيع وتستسهل
والحب وايّا الكره صبح بيتساوى
حرّص أكيد م اللي إنت عاديتهم
وألف مرة م اللي حبّيتهم
إوعاك أشوفك يوم بتتكلم
أو مرة تانية تجيبلي في سيرتهم
ماتستغربش إن إنت بتحارب
جايز تكون الحرب ليك أسلَم
والدنيا يوم مغلوب ويوم غالب
و من الحياة دايماً بنتعلّم
حربك أكيد صدّقني مشروعة
مين اللي قالّك حرب ممنوعة
كل اللي باعك يعنى وإتخلّى
بكره يجيك والراية مرفوعة
بقلمي عبدالحميد وهبه
ليست هناك تعليقات:
إرسال تعليق