يا واكلة قلبي وعقلي كمان
يا مغرقاني في بحر حنان
يا متوهاني في النسيان
وجاية في الأخر تعاديني
وانا العاشق وانا المعشوق
وعلي العهد عمري ما اخون
وفي الأخر بقيت مجنون
والموج جاي من قلبك
وعلي شط أحزاني رماني
تملي احلامي تكون ليكي
ولأخر لحظة في حياتي
بقلبي وروحي بناديكي
لكن أنا في الغرام انسان
بحبك حب عمره ما كان
لكن علي كرامتي ما تجيني
ولو فكرتي فيها في لحظة
يبقي ساعتها تنسيني
لسه قلبي كأنه شاريكي
وكل دقة من دقاتة
بتردد كل اساميكي
وحياة العهد اللي كان بينا
وحياة الحب اللي جمعنا
وحياة ضحكاتنا ودموعنا
وحياة البعد اللي وجعنا
انا عل العهد ولسه بحبك
ولسه منورة شموعنا
بقلم
احمد محمود
من ديوان سكة العاشقين
ليست هناك تعليقات:
إرسال تعليق