في فترة غيابِك فقدت الحنان
وصورتِك بشوفها في كل مكان
وحاسس كأني في دنيا لوحدي
وعايش بجرحي ومكسور كمان
في فترة غيابِك ماكنتش مصدّق
أكمّل حياتي في بُعدك أو أبدأ
عِرفت إن فعلاً وجودِك بيفرق
ويدّي لقلبي تملّي الأمان
في فترة غيابِك فقدت الحنان
برغم غيابك عليا سنين
لكني ماجِتش وفقدت الأمل
وكان عندي دايماً حبيبتي يقين
هشوفك بجد ولو إيه حصل
لأني في فترة غيابك عانيت
سهرت الليالي لوحدي وبكيت
لا مرة قِدرت إني أغيّر في حاجه
ولا يوم فادتني كلمة ياريت
وجودك بيفرق حبيبتي أكيد
ده عاد فيا تاني بجد الحياة
وحاسس كأني إبتديت من جديد
وغرقان لقالُه سفينة نجاه
ماكنتش مصدّق أكيد في الغياب
بإني حبيبتي هعيش في إكتئاب
لأني في بُعدك فضلت لوحدي
ماليش حتى بعدك حبيبتي صحاب
بقلمي عبدالحميد وهبه
ليست هناك تعليقات:
إرسال تعليق