الحب في الصداقات
نظرة حنين ورضا
وحاجات مترتبة
نقدر من بين لقاءات
نرسم ايام جاية
شمعة تنور ضلمة
لما النوايا تكون صافيه
اجمل عهود اتقالت
كان ملاحقها وفاء
الحب في النظرات
لما تساعد إنسان
الحب تشوفه
في بسمة قريب
ترسمها وانت فرحان
الحب مش إني احبك
واستني وانول منك
الحب لحظة أمان
لما اشوفك فرحان
الحب يا رفاق
كان له وقت وعدي
وخلاص اتقفلت بيبانه
ممنوع يرجع تاني
أو نفتحله بيبان
القلب مش مفتوح
لكل حد يدق!
ويحن أوام ويرق!
لا يمكن يكون ده حب!
خد قرار تعافي
وامشي وعيش بيه ويكون قرار نهائي
احفظ قلبك
_جربت حظك ؟
= اه
طب سيبه للي ما عاشش
ولا جربش
هلموا يا رفاق
بطل تطمع في الحب
صحيح احساسه حلوو
لكن عيشنا زمانا
مش هنعيش زمان غيرنا !!
خلي القلب يحب
حب طعمه حُر
كل مافيه مريح
نبضاته بتوجهك
إمتى وفين وإزاى
تعرف تحب
هلموا يا رفاق
الحب مش بالساعات
ولا بعشره سنين
الحب بمواقف
عملوها رجال
اتحكت
وضربوا بيها الأمثال
الحب مش إني أشوفك وأتمنى
تلاقيني في أحلى جنة
الحب لما نُصدُق
تاخد بإيدي الجنة
هلموا يا رفاق
الحب ان مالت بيك
تلاقيني واقف جنبك
واستني
تقف تاني وتشيلك رجليك
الدنيا حالها اتغير
وانا من يومي بفكر
صعبان عليا الناس
احساس غريب ملاحقك
لغتك مالهاش مترجم
لكن مبسوط بحالك
راضي والبسمة في قلبك
احساس الحب في قلبك
بتحب الخير للغير
مش حابب تكون شبيه
كل اللي في ايدك
انك بس تلم وتخاف ع الغير
لكن من بعيد
القرب أصله بيفَرَق
ومهما تفضل تشرح
لعقول مش قرياك
فَضَلْتْ تكون وحدك
وتصَلَح من بعيد
تلمح دمعه في قلب
تدعيله من قلبك
أو فرحه في عين بتحب
تتمنالها تكون أسعد
ترجع في سكونك تقعد
تتفرج راضي بحالك
نفسك في حاجات وحاجات
لكن مفيش آذان سمعاك
ولا قلب قادر يحسك
يتعامل بطبعك
ياصاحبي خلاص مفيش
وعشان كده يا دنيا
مش شايفك للراحة
وعشان أكون مرتاح
إتعودت أكون راضي
تلاقيني بحس الصبر
علقم طعمه مُر
وكل ما أصبر أنول
وأتمنى أكتر
وأنا في إنتظاار بُشري
فتجيني
وأفرح من قلبي
فرحة بطعم الرضا
الحب أصله حياه
تعرف إزاى تعيشها
وتكون عن نفسك راضي
الحب يا رفاق
في قلوب تعرف تحب
من غير جرح وأذى
الحب أكيد له ناسه
الحب أكيد له ناسه
قلم/ نورهان محمد علي
ليست هناك تعليقات:
إرسال تعليق