بقلم: الشاعر محمد عدلي
******
أيوة، لما شوفتك
كأني شميت الورد
وشربت قهوتي المفضلة
و اتفتّحت في قلبي طاقة نور
و ابتسم العمر ليا من جديد
والدنيا رجعت تضحك
و كأنك لحظة سلام
في عزّ الزحمة والتوهة
و كأنك نغمة حنونة
بتطبطب على الأحزان
******
أيوة، لما شوفتك
كأني شميت الورد
وشربت قهوتي المفضلة
في عيونك لقيت الحكاية
اللي كانت بتناديني من بعيد
لقيتك بعد سفر السنين
لقيت الحلم اللي ضاع
في دروب المستحيل
في ضحكتك شمس
تشرق من غير ميعاد
و تحضن وجع الليالي
وتطمن القلب الحزين
إن الفرحة مش ماتت
و لسه في آمال وعيد
******
أيوة، لما شوفتك
كأني شميت الورد
وشربت قهوتي المفضلة
أبداَ لُقاكنا مش صدفة
ده وعد ، ده قدر
مكتوب ف سطور الحنين
من كلامك يتولد ليل دافي
ليل منور بالنجوم
كل كلمة منك حياة
وكل نظرة ليك شفا
تحيي القلب وتعيد الأمل
وجودك وطن باقي
ما يعرفش غُربة
ولا يفهم معني الرحيل
******
فـ لو سألوك عن معنى الهوى
قولي :
انا لما شفت الحبيب
كأني شميت الورد
وشربت فنجان قهوتي
زي العسل محلاي
بطعم الوجود و الكون
ليست هناك تعليقات:
إرسال تعليق