كانت ويايا ماعرفتش
ساعتها قيمتها
كانت صايناني ماقدرتش
أصون عشرتها
كانت ماسحة لعيني دموعها
وكان عيدي أشوف دمعتها
كانت قايدة لحياتي شموعها
وأنا بإيدي طفيت شمعتها
كانت ماحية لروحي وجعها
وأنا اللي جراحي وجعتها
كانت تسمع لشكوايا
تشيل عني بكلامها الهم
وأنا اللي وداني نكرتها
ما يوم سمعتها
كانت أشواقها ف عنيها
وبتداري ف لوعتها
وروحي عليها كت آسية
ما حنت يوم وطاوعتها
كانت حبّاني عاشقاني
وكل حياتها ليا اديتها
وكان حبي يدوب ليلة
عشان كت حرة رفضتها
عايش دلوقتي بتندم
واقول ده يا ريتني ويا ريتها
عايش مجروح وبتألم
دي كت نعمة وأنا رميتها
عرفت قيمتها
بقلمي/ خالد جمال ٢٨/٥/٢٠٢٥
ليست هناك تعليقات:
إرسال تعليق