مهما أقول وأعيد وأزيد
مهما أداري ف شوق وليد
اتولدت أنا من جديد
يوم ما عينك جت ف عيني
الفرحة جت على بابي دقت خبطت
وحياتي رجعت تاني ليا اتزبطت
الشمس شقت ليل ف قلبي وأشرقت
يوم ما قلبك قال شاريني
كل الآمال حسيتها فيكي وشوفتها
القلب مال الدنيا بيكي عرفتها
الحزن زال أحلامي تاني ملكتها
فاض غرامي وزاد حنيني
يا عود ريحان يا ملاك ونازل م السما
يا غصن بان الروح إليكي مسلمة
يا فيض حنان يانعمة جت من ربنا
نبض قلبي ونن عيني
صدقيني
بقلمي/ خالد جمال ٢٧/٥/٢٠٢٥
ليست هناك تعليقات:
إرسال تعليق