يا بحري يا غالي
سلم لي ع الغوالي
رميت أشواقي فيك
ومرسالي لأحبابي
وصحيت م الصبح بكير
ع صوت موجك الغالي
لقيت الناس مسافرين
وتركوني معك لحالي
وصار الحب بينا كبير
كبر السما في العالي
شمسي بتشرق ف قربك
وقهوتي بتحلا بفنجاني
نسيم الربيع بيحلا فيك
وبيزهر الحب ف ودادي
فليلك مع نجوم السما
القمر بنادم أشعاري
وطاب السهر بينا كتير
كتر الحب في الحاني
وضحكنا القمر كحبيبين
ع صوت موالي وألحاني
حكيتلك قصة حبي
وسهر روحي مع الليالي
قمري وليلي بيكمل فيك
مع كاس حبي وراحي
وع شاطئك بيحلا الغرام
بليلة حب ف أيامي
أحلامي مع فجرك بتصحا
وع مراكبك بتبدا أسفاري
يا بحري إنت خير صديق
ورمز الوفا لأحلامي
بقلمي د جمال إسماعيل
سورية الحبيبة
ليست هناك تعليقات:
إرسال تعليق