...........
قاللي أول ما شافني
ضاع منه الكلام
خلاني في الحب عاشقاه
طايره بدون ملام
نفضني الحليوه
وسابني أشحت في الميدان
وداني الغرام على بابه
والشوق اللي بان
قالوا لي الحليوه إتكلبيش
ونزيل في الليمان
متعود يشتي يصيف
على البورش الدماغ متكيف
له ذكرى لزمان
لو كنا يا قلبي سألنا
عن أصله ما باع في دهبنا
وتحويشه زمان
قشطنا وشاغل باللنا
ولهف الجهاز من جارنا
وضمنته كمان
ولا شوفتيش خداعه وناصبه
فكراه ده أمان
ملهوف ع الجواز وبتجري
هتسدد ديونه يا إما
هتجاوره فى ليمان
أيه رأيك يا قلبي مجايبك
والخوف الجبان
بتصدق عيونك كدبه
وتشهد له كمان
من حقه يلم
هدومك وبطاطين الجيران
بقلم .. صبري رسلان
ليست هناك تعليقات:
إرسال تعليق