اكمن هواك نقطة ضعفي
ومسيطر على كل عواطفي
اكمني بقول ع الشوق وعدي
ونصيبي المنقوش على كفي
اكمن ما لون خدك وردي
وشفايفك دول شهد مصفي
اكمني بتوه وأنت معدي
ولو اوصف فيك يعجز حرفي
اكمن معاه فرحي وسعدي
ولا فرح الكون بعديه يكفي
اكمن دواه وحده بيشفي
والدوا من غيره يزيد ضعفي
وعشان ما عنيه عنه بتحكي
وتبوح بجمال سره المخفي
وعشان ما بداري عليك وجدي
ييجي قلبك على حيرتي وضعفي
يبعد عن قلبي يكون ضدي
ولا مرة يكون جمبي ف صفي
يحلالك كده هجري وصدي
والقسوة جزاء حبي وعطفي
دانا قلبي مناه لو يوم ترضي
طب امتى تحني عليه وتصفي
يا حبيبي الدمع جرح خدي
والهوى بقى ريح بتزيد عصفي
يا حبيبي أنا قلبي أسير ودي
ومناه لو يوم قلبك يعفي
مستحمل أنا وياه سهدي
ومكمل لو شمعي بيطفي
بدعيله وأقول ربي بيهدي
يهديه والاقيه ليا بيوفي
نقطة ضعفي
بقلمي/ خالد جمال ١٤/٨/٢٠٢٥
ليست هناك تعليقات:
إرسال تعليق