جمال جريمة
حسيت هواه والقلب طب
حسيت كأني معاه يا خلق
دخلت حرب
ما خلاص بقى خدنا القرار
ف الحرب خُضنا
دي لا فيها وقف إطلاق لنار
ولا حتى هدنة
أما العواقب شكلها هتكون وخيمة
ده جمال خيال ووصفه صعب
دي عيون غزال وعودها صب
خلخال ف كعب
والبصه رعب
خلّص عليّا ماسابشي فيا
والله ولا حتة سليمة
حلو المحيا
نظراته فخ ومصيدة
ورموشه خية
ترقص تميل شمال يمين
ماتقولشي حية
في الرقص ديه
بايعه القضية
فايقة الجميع متمكنة
دي ميه ميه
مش بس فن وموهبة
وخداها غيّه
تسحر عنيك تخلص عليك
ومالكشي دية
بترقص يا بيه شرقي وباليه
دول بس فيها هييجوا إيه
سامية وتحية
دول جمبها مالهومشي قيمة
دي شغل عالي
نظرات عيونها دي أسلحة
رشاش وآلي
بتضرب يا ناس
طلقات رصاص وذخيرة حية
يعني الحكايه كبرت أوي
لأ بقى دي ياناس جريمة
جمال جريمة
بقلمي/ خالد جمال ١٧/٨/٢٠٢٥
ليست هناك تعليقات:
إرسال تعليق