مدمن أنا نظرة عنيكي
مدمن ضنا من شوقي ليكي
مدمن هنا وانا بين ايديكي
دانا من سنة مشدود اليكي
مدمن ومش عاوز علاج
مدمن قلق وبخاف عليكي
مدمن غرق ف بحور عنيكي
قلبي اتسرق سلمته ليكي
أصله اتخلق وعنيه عليكي
لو ع الملأ راح اقولها ليكي
حبك دهب على راسي تاج
مدمن تعاطي ودك وحبك
وبقول وهاتي مشتاق لقلبك
مليت آهاتي دوبني بعدك
عايش حياتي بحلم بقربك
أصل انت غالي والروح فداك
زي القمر
والحسن طبعه
لأ ده القمر
ما يجيش فيه ربعه
لو كان مطر
أنا روحي نبعه
دقات وتر
أنا قلبي سامعه
لو عينه ضي قلبي السراج
مريض بحبه ومرضي مزمن
مدمن
بقلمي/ خالد جمال ١٠/٨/٢٠٢٥
ليست هناك تعليقات:
إرسال تعليق