مصر
م ص ر
وندي الندي للشجر
ويا النخيل
يغزل اغاني الفجر
ويا تغريد الجناين
يغزل صهود الشمس
ويا تسبيح المداين
تتبسم الفرحه
علي حروف العرقانين
تطرح شراع
ينقش علي الامواج
حروف ورديه تتعطر
وتتخضر صحارينا
علي الانوال
و موال الدنيا بيغرد
علي الأغصان
ويرويها اصاله وطيبه وموده
ويجنيها وطن بيلون الدنيا
وبيرفرف حمام وردي
وبيسطر
م ص ر
ميم
يا اول حرف محفور ع الجين
شجره و نيل وليل بيحكي
للنجوم حدودة الشعب الاصيل
اللي باع يومه عشان بكره
واللي ساب اسمه لينا ذكري
صاد
يا حرف ساكن قلوبنا
يا قلب فاكر همومنا
و يومنا سلسبيل
يروي عروق الأرض
د المصري لايقبل
ولا قابل أنه ف يوم ينذل
تنشق جواه البدايه
ويعافر للنهايه
اصله بالأمل يوصل
ره
يا اخر حرف لاكن
جوانا مدي
وندي يطبطب علي جروحنا
يواسينا يفرحنا
ولما تغيب روحنا
يتاوينا تراب يبكي
دموعه فروع خضره
وغنيوة جذور فاكره
بطولة مصطفى كامل
تحدي سعد و عرابي
د نورهم للوجود فارس
وتغزل شمسنا تاني
م ص ر
بقلم مصطفى أحمد
ليست هناك تعليقات:
إرسال تعليق