مخاصمني عامل فيها زعلان
بقى حاله صعب وبيحير
طَلَبِت معاه بقى شغل جنان
ماعرفشي ليه فجأة اتغير
خد مرتبة ولَمَّ الغُطيان
ده عملها زعلة وهتطول
كان عادي هادي وطبعه حنان
بصيت لقيت وِشّه مأيّر
شكله اتلبس أو مسُّه الجان
إزاي بسرعه كده اتحوِّل
لو كان ليه حق ف زعله يا ناس
ما يقوللي وأنا مش هتأخر
قولتلها ليه وعلى أي اساس
ليه الجميل طبعه اتعكر
قالتلي لأ مش فارقة خلاص
انسى الكلام واوعى تفكر
فيه حاجات ماينغع فيها نسيان
ولو اتنست مين هيذكَّر
دورت قولها مليت بيه الراس
وف بالي قلت يا خبر أغبر
كان عيد ميلادها وفاتني يا ناس
لأ حقها تقول وتأفور 😀
بقلمي/ خالد جمال ١٩/٨/٢٠٢٥
ليست هناك تعليقات:
إرسال تعليق