بقلم/فايز علام..مصر 🇪🇬.
..................................................
ببيع تذكار
لا ينفع ولا يضر
كل ما فيه عبرة
كل ما فيه شر في شر
تذكار رخيص
غاوي تدليس
حتى الأرض قرفت منه
راحت تدور على التجنيس
من الغرب ومن الشرق
مهو ذكراه عربي شديد
بس العروبة راحت في حضيض
والكل بقى شاطر في التخبيص
حتى النفاق يا سادة ...
بقى له تخصيص
ببيع تذكار ...
ملهوش لازمة بعد الدمار
بعد الحصار ..
هتقول قطز ..
هتقول صلاح الدين..
مهو الكرسي بقى ثمنه تاريخ
رغم الكراسي متحركة
لكن التاريخ ورث شعوب
بيورث من وريث..لوريث
يلا نبيع الورث
ونبقى كدة...
بلا محرات ولا أرض
ونشتري بالورث كولا وببس
ونحرق وطن ونحرق علم
ملناش فيه لا مكان ولا حس.
اللي يقول أصلي بعيد
واللي يقول على شعبي حريص
واللي تايه في أمواله...
مش بالذمة دي حاجة تغيظ
آه والله دي حاجة تغيظ.
ليست هناك تعليقات:
إرسال تعليق