كف الحسن
كف الحسن نقص واحد
واخونا الكبير صبح عود
ايمن الغالي بزيادة
ضحك علينا ومش موجود
مشيت ياغالي من غير سلام
ولا حنانك المعهود
يا قلبي من غير ما تودعنا
حتي وداعك كان مشهود
يا عمري مين ها يدلعنا
وريح. الحسن فيك موجود
ورثت الشكل ويا الطبع
كأن الحسن كان موجود
مين اللي قال الموت بيفرق
وطيفك معانا ويا الجود
بنحلم بطلتك علينا
زي الهلال في ليلة عيد
بفرحة طفل جوانا
بزيارتك لينا في ليلة عيد
يا ابن أمي محفور جوانا
مين يقول دا مش موجود
ايمن . الغالي علينا
احنا للموت واتاريك موجود
ايمن يا سر ضحكتنا
يا كل الحياة وكل الوجود
بندعي علي فراقك نصبر
يا سر الحياة وسر الوجود
وكف الحسن نقص واحد
اتاريك القلب لكل اللي موجود
بكينا دم علي. فراقك
يا اغلي البشر وكل الوجود
بقلم
أحمد محمود
ليست هناك تعليقات:
إرسال تعليق