...................
حنان ابويا ماشفتش زيه حنان
قلب دافئ صادق كله أمان
ابويا واخد علي خاطرة
شوية مني قال إيه زعلان
أيوة يابا ياابو قلب كبير
ياقلب كله محبه وحب الخير
ياابو قلب كله طيابه من زمان
أنا عارف إني مليش في الدنيا دي غيرك
سند وضهر عليه بنسند يوم ماتيجي الدنيا
وفوق راسي دوس
أيوة يأبه انا منك طول عمري باخد بكلامك
بثقة وبتعلم منه دروس
أنا يابا عارف إنك طول عمرك شايل همي
بتفكر فيه وناسي نفسك
وبرغم دا كله طول عمري ناكر لخيرك
مافيش مرة جيتلك
واقولك فيها كتر الف خيرك
على اللي عملته معاية طول عمري
أنا عارف يابة إن قلبك ده طيب
وشايف فيه نفسي وأنا منك قريب
ورغم اسوتي عليك ليه بتسامح
ووخدني بين درعاتك ولقلبك ليه فاتح
من كل قلبك خايف تيجي
حاجة ناحيتي
تصبني باذى تقتل فيه فرحتي
أبويا حبيبي انا حته منه
عودي عليها اتبني وشددي
عارفك يابويا قلبك كبير ورحيب
بتتمني تشوفني ديما في خير وعال
مانفسكش تشوفني ماشي في سكة
غلط وشمال
أنا يابه جنب منك بكل خير وقريب
يا احن واغلى أب في الوجود مافيش منك
أنا يأبا بحب انغشك وانكوشك واثير ملامحك
حتي وانته غضبان
وزعلان مني بعشق طيابتك
أنا يأبا ليه من غيرك
يسأل عليه لو يوم تعبت
وحصلي أي شيء مش كويس
مين غيرك عليه بيجري عشان يشوفني
ويطمئن عليه إني بخير
أنا بشوف قلقك عليه والمحة جوة عنيك
حتي وانته بداري مني عليه خوفك
من الخضة حسه وشايفة أنا جوة جوفك
وانته بتاخد نفسك وباين بجد كمان عليك
كأنها طلقات ملتوف وصابت قلبك الشفاف
واخيرا يابا أنا بحبك وعليك بخاف
ماهو أنا بردة ابقى إبنك
وانته أبويا اللي يشرفني إسمك قبل مني
ويشرفني ديما عزة نفسك وهيبتك
حبيبي يا ابويا ومن قلبي بحبك
يااصدق حد في دنيتي
يحبني ويحب يشوفني
بجد احسن حد ومنه هو شخصيا
في الدنيا دي كلها حبيبي يابا
بقلم عبد المنعم مرعي
ليست هناك تعليقات:
إرسال تعليق