هوا يعني لازم اموت
وتعملولولي ٢٠ حفلة. تأبين
وأشوف الحزن في عنيكم
وأشواق وإخلاص وحنين
ما انا كنت عايش وسطيكم
ايام وشهور وسنين
وكنت بشوف انا بلاويكم
وبسمع القال والفيل
والنية السوده كانت حاضرة
بأشاعات وكلام ؤأنين
والشلل المنصوبة حوالينا
في أماكن و في نص الليل
وفلان دا مأنتم بفلانة
وحنان مقموصة وزعلانة
وصاحبنا بيرسم علي فلانة
ووسطنا صبح كله ملامة
عن. نفسي هختار الموت
طب. ليه ما نكون أسرة كبيرة
نسأل ونساعد بعضينا
ونجمع الكل كدا حوالينا
والله ما. تخسرنا. كتير
كلمات موزونة و مقفية
كلها حب و اشواق وحنينه
دي. الكلمة الحلوه بتسعدنا
وتقربنا قوي من. بعضينا
ياله بينا الأيد في الأيد
يا أختي ياخضره وعمنا عيد
تعالوا. نصلح اخطائنا
دا الموت بيرفرف. حوالينا
وبيخطفنا كدا من بعضينا
ومتجمعين كدا في. التأبين
والكل عامل فيها . حزين
دا فلان كان عايش وسطينا
وكان مثال الطيبة
وعلي. فراقه الكل حزين
تعالوا. نرتب اوراقنا
وننحي كمان كل خلافاتنا
وإن حد فينا. يوم. غاب
نسأل ونطمن بعضينا
دي. الدنيا والله متفاته
والكلمة الحلوه نفوز بيها
دا. حتي شغلتنا كلام
يا ريت نصالح بعضينا
قبل ما. يخطفنا الموت
بقلم
احمد محمود
ليست هناك تعليقات:
إرسال تعليق