كان بيقولي يا حبيبتي
انا قلبي ليكي زي اللحد
ما يشيلش فيه غير واحده
ومن خيبتي انا صدقت
اتاريهم كام. واحده
وبين الواحده والواحده
كتير حكايات وكتير روايات
بصيت لخيالي جوه اللحد
يمكن اشوفني اللمحني
ولو لحظة تفرحني
اتاري قلبه زي السيرك
مليان مراجيح ومنصوبه
اشوف. الشقرة بتتدلع
والخمرية دي محبوبة
وأيده بتطبطب عل. البيضة
واتاريني السمرة المعطوبة
ولما شافني وخد. باله
ركبني قوام ع. الزحليقة
رجعني تاني من الأول
رجعت لأول السكة
قعدت فبها مع نفسي
احاسب نفسي حساب ملكين
ما لقيتش عندي ولا. غلطة
طول. عمري جميلة بأخلاقي
وتاج العفة دا كان شرفي
حزنت علي بختي المايل
وحبيب غدار كان بيخوني
لملمت بسرعة أحزاني
وداويت جروحي علشاني
ووقفت تاني علي حيلي
قوية بربي وايماني
وربك والله رب . كبير
وربك والله رب كبير
مافاتش علينا وقت كتير
رجع ندمان وكمان مكسور
وبيقولي ياحبيبتي سامحيني
بصيت له بصمه من فوق لتحت
وانا رافعة كدا جبيني
وقولت روح يا مسكين
مش نازله. اللحد من. تاني
روح يا مسكين
مش نازله اللحد. من. تاني
بقلم
احمد محمود
من ديوان سكة العاشقين
ليست هناك تعليقات:
إرسال تعليق