بشوفه بغرق في التفكير
واتخيله وهوَّه ف حضني
وقلبي طير ف سماه بيطير
وعنيه بشوقها بتوعدني
ونفسي اسيب وياه الكون
واقوله فين ماتروح خدني
ويغني قلبي ويعلى التون
والفرح شمع ف ليل قادني
وبتبقى دقته دقة هون
أول ما يبقى يا ناس حدي
والروح تزغرط اكسليفون
زغروطة بترن ف ودني
والعين تناجي ف نن عنيه
وتقوله امتى هتسعدني
وايديا تنده كف ايديه
وتقوله يكفَى تلوِّدني
والشوق يقوللي هنعمل ايه
كان ليه عليه بتعودني
والقلب تعتب فيا عنيه
نظرة ملام بتهددني
ويقول يا نسكن ضي عنيه
يا تروح وعنك تبعدني
يا ريت يا عمري تردي عليه
قبل أما يطفش ويسيبني
وتميل ف يوم وتحن عليه
وبرمش عينك توعدني
يا حبيب وحِليِت دنيتي بيه
والناس عليه دي بتحسدني
بقلمي/ خالد جمال ٢٥/١/٢٠٢٦
ليست هناك تعليقات:
إرسال تعليق