بقلم/نشأت البسيوني
في زحمة العمر اللي بتعدي بسرعه غريبه بيطلع انسان كده من وسط الزحمه ما حدش واخد باله منه يمكن لانه ما كانش بيحب يثبت نفسه بصوت عالي ولا كان بيجري ورا ضوضاء الناس كان ماشي بطريقه غريبه طريق يشبه الصمت اللي بيربي قوة جوا الروح وبيخلق جواها الاتزان اللي محدش يعرف ازاي اتبنى ولا اتكون ولا اتصنع في يوم من الايام الانسان ده كان ماشي وراه ظل
طويل ظل ماشي وراه من غير ما يسيب خطوه وراه وكأنه شاهد على كل حاجه اتكسرت جواه وعلى كل حاجه صحيته وعلى كل لحظه وقف فيها لوحده وكمل وبرغم ان الدنيا ما ادتوش فرص كتير وبرغم انها دايما كانت بتستنى اللحظه اللي يتلخبط فيها ويقع لكنه كان بيمشي بخطوات بطيئه بس ثابته كانت خطوته الواحده اقوى من جري ناس كتير لانها كانت مليانه صبر ومليانه حكايات
ومليانه قوه مش طالعه من العضلات لكنها طالعه من القلب اللي اتحمل واتشحط وضاع واتجمع تاني في يوم كان بيسأل نفسه هو ليه لسه بيكمل وليه ما وقفش وليه ما قالش انا تعبت يمكن لانه اكتشف ان الرحله مش محتاجه صوت الرحله محتاجه حد فاهم ايه اللي جواه فاهم ان الدنيا مش بتقبل غير اللي بيواجهها بصلابه مش صلابه شكل لكن صلابه روح في وقت كتير كان بيحس ان
روحه بتتعب وان الظل اللي ماشي وراه بقى اطول من عمره لكن عمره ما كان بيفكر يسلم نفسه لوجعه ولا يدي الفرصه لليوم اللي اتكسر فيه انه يتحول لآخر عمره بالعكس كان بيعيد بناء نفسه كل مره بطريقه ما حدش يفهمها يمكن عشان هو ما كانش بيعيش زيه زي الناس هو كان شايف الدنيا من زاويه مختلفه زاويه بتكشف له ان اللي يفهم طريقه ما يتوهش واللي يسمع صمته ما يضيعش
واللي يحافظ على نقاء قلبه ما ينهزمش مهما اتكسرت الدنيا فيه كل ليله كان بيقف قدام روحه ويشوف الظل اللي ماشي معاه ويسأله هل انا ماشي صح ولا تايه والظل كان بيرد عليه بسكوت بس سكوت مفهوم سكوت بيقول له طول ما انت ماشي لوحدك ومكمل رغم ان الطريق مش سهل يبقى انت اقوى من اللي فات واقوى من اللي جاي لانك ما اتعلمتش تقف الا لما قررت تكمل وما
اتعلمتش تخاف الا لما فهمت ان الخوف مجرد ابواب بتتفتح مش بتتقفل وبرغم ان الايام ساعات كانت تضغط عليه وتجرحه وتكسر فيه حاجات ما يعرفش يرجع يبنيها تاني الا انه كان كل مره يلاقي روحه بقت اصلب بقى جوه قلبه حاجه اقوى من الوجع واقوى من الناس واقوى من الوقت حاجه بتقوله ما تخليش الدنيا تحدد حجمك انت اللي تحدد حجمك بخطواتك اللي ما حدش شايفها ولا
سامعها بس انت عارف كويس انها ما كانتش صدفة ولا كانت ضعف بالعكس كانت الطريق اللي بيصنع بيه نفسه انسان ما يتكرر انسان ظل بيجري من غير ما يسيب خطوه وراه لكنه بيخلق طريق محدش غيره يقدر يمشي فيه
ليست هناك تعليقات:
إرسال تعليق