حرف الشعر متغندر
لكن شكله كدا يعاني
محتاج ترتيب من الاول
كفاية يا عم الفكهاني
سرقة كتير ونحت كتير
والحجة هي دا أبداعي
سمعنا. كتير وشفنا كتير
قرع علي كوسا بتنجاني
وعن. نفسي منيش شاعر
غير حبي تملي لألواني
ارص الحرف جنب الحرف
واهتم بكل الحاني
وكمان هوايتي وزن الحرف
والقافية تملي دي موالي
وكل حرف من خطي
من جوه جوه الجواني
وكمان دا. كل كلماتي
كمان دي ليها عنواني
وعنواني دا ما يتوهش
بس. انت نادي عل الخالي
ومش. خالي. دا من جواه
لكن ملوش ف القيل والقالي
وكمان بيقول للأعور
أخرك شيبوب مش عنتر
وكل مشاكل أهل الشعر
كلام علي ليلي وعلي عنتر
وياريت يكون وش ف وش
شالوا الشنبات بقي مضفر
يا خسارة كانت حلوة لمتنا
أنا كنت شايفها كدا رباني
اتاريها صبحت هرس ف هرس
والريحة خلاص خنقاني
والكل عامل مجني عليه
ياريت تشوفولنا مين الجاني
أنا. شعري صحيح أبيض
لكن جوايا سيف مسرور
ياريتك تنسي عنواني
بس خلاص
بقلم
أحمد محمود
من يوان. بنا حروف
ليست هناك تعليقات:
إرسال تعليق