مجنون بلون عنيكي
مشتاق هموت عليكي
هيمان واخدني عشقي
ومسلم روحي ليكي
مجنون بسحر نادر
مفتون برمش قادر
وإزاي بتقوللي أعقل
وأنا شوقي بحر هادر
خد عقلي رمش سارح
وهاوسني جفن جارح
وخدود بخالها باهية
وعليها الورد طارح
تاه عقلي من جمالك
راح مني من دلالك
ومحال ف يوم هيرحع
بقى حيرته مكتوبالك
وناديت عليه يهاود
ليه تسيبني وليه تباعد
على طول سمعت رده
مخطوف ومش هعاود
مجنون معاك وهايم
وف بحر شوقي عايم
لا شاغلني حد يعتب
ولا قول عزول ولايم
يا ملاك وخدتي عقلي
ونسيت معاكي أهلي
وهواك غيرلي حالي
من يوم ما جه وندهلي
مجنون
بقلمي/ خالد جمال ٥/٢/٢٠٢٦
ليست هناك تعليقات:
إرسال تعليق