اللي قرب يموت م الجوع
سلم لي علي الناس
اللي صوتها مش مسموع
سلم لي علي الارض السمره
سلم لي علي اللي ناهبينها
الشعب خلاص رفع الرايه
وفي نفس الوقت خاف منها
سلم لي علي الناس
اللي صوتها كان عالي
سلم لي علي قلم مقصوف
سلم لي علي الكتاب و الشعراء
سلم لي علي امام جامع
و علي كنيسه وصوت الاجراس
سلم لي علي الشارع والحاره
علي العايش واللي. مات
سلم لي علي التاجر الجشع
اللي في قلب السوق صوته مسموع
بيضرب ايده في جيبي
وهوا عارف ان جيبي مقطوع
سلم لي علي الجزار اللي جنبيا
يلف اللفه وقبل اللفه مشفيني
سلم لي البقال والخضاروالفكهاني
الكل مجني عليه ومين هوا الجاني
سلم لي علي الوزراء والمحافظين
بلغ سلامي وبذمة علي النايمين
سلم علي الشعب اللي عايش مقهور
تلف الدنيا وبكره عليكم الدور
وسلام. لبلادي المنهوبه بقالها سنين
وخيرها للغريب دائما وأدينا تايهين
وسلام علي الفقراء زيي واحنا كتير
ونهارنا بعد الليل لازم يطلع
وخليكوا شا هدين
بقلم
احمد محمود
ليست هناك تعليقات:
إرسال تعليق