صعقة 18/05/26
راني ما اقطعت واد
راني ما نشفوا رجليا
ياك غير هم لمصايب
أ ويل الغدارة الدنيا
الدقا في الراس جات
هي لي تسلطات عليا
خلاتني كيف لهبيل ما
عارف رجلي من يديا
ما واعي باشكون هم
هاذوك الضايرين بيا
عايش ف عالم ناعورة
أصابتني كيف الأذيا
انبربر وحدي أ لشباح
انراهم ينقزوا حواليا
أهدي أتحاور أشتم و
أركن إلى السكينة مليا
ياك يدي مغلولة ريتها
أ رجل مكبلة حتى هيا
انحاول انفك لقيود
أ لفكان ما تيسر ليا
تنجاهد أ انجاهد أ ما
اقضيت حتى امزيا
أعرق الجبين جوهر
ها الذات بيه متحليا
نبغي نقعد ها الدنيا
تدور أ ما فراس بليا
كيف يا وعد وعدي
نقطع الواد بلا معديا
ها لحكيم عينو عليا
أحكمو تيتصرف فيا
اقضاه ما منو هروب
جاري عل لولي أ لوليا
ما قدر تراه محتوم
هو عافي من كل رزيا
هو الرحيم هو السند
ما خاب طالبو بالنيا
منصور العيش
الرباط
21 - 05 - 26
ليست هناك تعليقات:
إرسال تعليق