ليا عشم يا جميل.. والله ليا
ولو قسيت.. برضه قلبي ليك مال
ده العشم في الحبايب مش خطية
واللي يعشم في غالي.. عمره ما اتذل
ليا عشم إنك تفتكرني ساعة
لما الليل يطول.. وتحن للأيام
تسأل نفسك: راحت فين وداعة
قلب كان شاريك.. وسط زحمة الأوهام
ليا عشم تسمع صوتي لو بنادي
من بين ألف صوت.. تميز حنيني
تقول: دي اللي كانت ساكنة فؤادي
وازاي هانت عليها.. تسيبني؟
أنا عارف إني جيت عليكى كتير
وعارف إن الجرح مني كان كبير
*بس والنبي.. سامحيني يا أميره
ده العشم في قلبك.. آخر حاجة بايدي
ماطلبتش ترجعى.. ولا قولت لي تعال
كل اللي باطلبه.. كلمة حلوة في بالك
تقول: كانت غالية.. وفيها خصال
تهون عليا ناري.. ويبرد حالي
ليا عشم يا جميل.. ماتكسرهوش
ده لو ماليش عشم فيك.. هيبقى في مين؟
دنا لو الدنيا كلها جت ماتسواش
لحظة رضا منك.. ترجعني سنين
العشم مش ضعف
العشم محبة زايدة
ووجع نضيف.. للي يستاهل 💔
محمد السيد حبيب
٤/٥/٢٠٢٦
ليست هناك تعليقات:
إرسال تعليق