أنا اللى كنت
فاكرك حبيبى
إتمنيتك تكون نصيبى
كنت بقول لنفسى لعندى هيجى
لجل يعوضنى عن اللي راح
طول الرحلة والمشوار
يكون رفيقي
يعوض قلبى المشتاق
اللى يامه كان له بيشتاق
وداب من الحب دوب والاشواق
لكن لقيتك فجأه سايبنى وبدون أسباب
وشويه جاي تخبط على الباب.
بتنادى وتقول يافراق
أصله خلاص نسينا مبقاش لينا يشتاق
مع حاله قرر يودع سايب قلبي موجوع
غرقان لوحدة وسط الدموع
بناره الوالعة فيه يتكوى
والحب رغم حلاوته صعب و حراق.
ياحبيبي مش كنت تقول من الأول
عشان أعرف أحسبها حساب معقول
مش راح أخلى قلبى عليك يسبقنى
ولا يكونلك في يوم سباق
بقلم عبد المنعم مرعي.
ليست هناك تعليقات:
إرسال تعليق