على شط النيل الاسمر
لمحت نسمه بتتمخطر
وجمالها مالوش مثيل
وعطر ياسمين فايح
على وتر الربابه رايح
مالى الدنيا روايح ونغم مواويل
وريحانه متحزمه بالفل متبسمه
بتغنى غناوى هنا يا عين يا ليل
والبنت شعرها ضفاير
حاضن الهووا وطاير
ضحكتها خلتنى حاير
قصدانى ولا قاصده النيل
سحرنى جمال عيونها
خلانى احس بحنينها
والخضار ساكن طينها
خلتنى أعيش واقع جميل
على شط النيل الاسمر
ضحكتها رقيقه بتكركر
لقيتها وحيدة بتفكر
قلت ابقا معاها وافكر
ومعرفتش النهار من الليل
ملامحها من جمال ربانى
طبيعة ربنا ملهاش تانى
نظراتها لقيتها واخدانى
وأنا واقف لسه فى مكانى
قلبى راح لها على طول
......................................
.... د/ حسن الشوان/مصر ....
ليست هناك تعليقات:
إرسال تعليق