..............
هنزعل نفسينا على أيه
ومش مستاهله نرد عليه
شيل ده من ده وإبعده عن ده
ورد إمبارح شوك في عينيه
إقفل بابك حتى سلامك
مستغنين والله يلهيه
يبعده عنا نريح بالنا
من نظرات كدابه يا بيه
ده أنت تمامك شاده لجامك
ورأي الست لا يعلا عليه
فارشين ثوبكم بسوء النيه
وعريتوا حالكم لأجل جنيه
قدرناكم وإنتوا رزيه
حقد كلاوي سواد قد أيه
نار بتهفهف واكله قلوبكم
فيه أيه تاني هتاكل فيه
عايشين دور مظاليم وضحيه
وكل الناس حاسدينه على أيه
كدبوا الكدبه ووهم إتصدق
حصدوا الشوك ومرار
كان ليه
ما بلاش دور صعبان وصعبنا
بص وشوف حواليك قالوا أيه
سجده حمد وشكر وتوبه
لربي كشف لي الناس
دول أيه
توبه نصوحه حاسب حاسب
من بيت ست بتحكم بيه
لها شنبات والناهيه بأيدها
والشملول ده إسم الله عليه
بقلم .. صبري رسلان
ليست هناك تعليقات:
إرسال تعليق