مراتي مابتبطلش كلام
طول الليل رغي على الكام
منها ياخلق مابعرف أنام
ليل ونهار على طول رغاية
مابتفصلش لحبة تنـــام
مابقاش ناقص غير إني
أروح اشترليها بالطة لحـام
اربط بيه لسانها لو عـام
مراتي رغاية
منها تعبت ياخلق ياهوه
من فعلها واللي جابوه
بصرخ ياعم روحوا هاتوه
النوم لو من عند أبوه
يمكن من الهده تتمد تنام
مراتي رغاية
مراتي رغاية بشكل فظيع
صوتها عالي مرعب ومخيف
تقولش قطر بيجري سريع
صوتة بالراس يوجع يالطيف
خلّى نومي متقطع تقطيع
ومنها مش عارف حبة أنام
لو حتي نومي يكون تخاطيف
مراتي رغاية
مراتي لما بتفتح في حكاية
مابتلقلهاش قفلة ولانهاية
فيلم هندي فيه كام رواية
أبطال حكايتها كلك ماتوا
والقفلة آخرها جه على قفاية
مراتي رغاية
مراتي دي ست ياحول الله
مؤلفة بدرجة تقدير عام
بسم الله وما شاء الله
استاذة بدرجة دكتور
عليها حورات لسبك الدور
من نسج خيالها الواسع
وبركة سرها الباتع
عملت لينا أفلام مجانين
ومسلسلات عبود الغفير
قلبت بيتنا سينما ومسرح
مالاقيلي حتة ولامطرح
فيها اتمدد حبة وأنام
مراتي رغاية
مراتي في الحياة زهقتني
و في كل الخلايق كرهتني
مع طوب الارض عركتني
منها خلاص تعبت ياناس
جوها مات الإحساس
وحصلي توهان في الراس
نفسي أعيش شوية لراحتي
أنزل فيها اغوص واحتاس
مراتي رغاية
من مراتي شربت المُر
كل مادور معاها على راحتي
بلاقيني من قهري بَشُر
مكسور في الغلب ياعيني
مابقاش في حياتنا حاجة تَسُر
ومافيش مرة من أهلها
برجع مرفوع الراس
ولاباني مركزي على أساس
غير على نفسي واقف اهُر
من كتر لياليينا السودة
اللي تعبت أنا فيها
ومش راضية علينا تمُر
منها ليلاتي بنشرب كاسها المُر
ولا بقا لينا فيها حاجة
حلوة تسُر
مراتي رغاية
على مراتي ليلاتي بدعي
تجيلها كاتمة وتبطل ترغي
منها نعيش حبة في سلام
وأبطل نومي في الحمام
والناس من قلة مشاكلنا
ترتاح حبة وتعرف تنام
و في سيرتنا يبطلوا كلام
مراتي رغاية
شوفتي ياهانم إيه اخرتها
كلام الناس اللي مابيرحمش
طول الليل في سيرتنا يجيبوا
وقالوا على دا راجل هلاس
على طول فوق الراس
بالمركوب وفى بيتة بينداس
ودا من كتر فعلك الشين
اللي يغيظ وليه يهين
أي راجل لوحتى عظيم
بقلم عبد المنعم مرعي
ليست هناك تعليقات:
إرسال تعليق